123 dagur herþjálfunar

Ekki bjóst ég við að líf mitt breyttist á þennan veg eins og raun hefur orðið þegar ég fylgdi dóttur minni í október síðastliðnum á námskeið hjá Heilsuakademíunni í Egilshöll. Á meðan ég er að ganga frá hennar málum fer maðurinn í afgreiðslunni að kynna fyrir mér námskeið í herþjálfun.  Konan var með mér og áður en ég veit af eru þau búin að skrá mig kl 6 morguninn eftir í prufutíma.

Ég var nú ekkert voðalega vel upplagður eftir ýmsar tilraunir til heilsuræktar og að koma mér í betra form. Átti mitt blómaskeið fyrir 7 til 10 árum síðan þegar ég skokkaði af kappi og tókst þá að hlaupa þrjú 1/2 maraþon.  Síðan þá hefur heldur sígið á ógæfuhliðina varðandi tilraunir mínar til heilsuræktar, útlit og orðinn töluvert of þungur og ístran farinn að segja til sín.  Enda ekkert óeðlilegt þar sem ég var orðinn 38 ára gamall og þetta er bara partur af því að eldast.

 En þetta átti nú heldur betur eftir að breytast.  Nú 123 dögum síðar er ég enn að - hef varla misst úr tíma. Að vakna rúmlega 5 á morgnanna til að keyra upp í Egilshöll ekkert mál, sama hvernig veður og færð eru úti.

Ég er allt annar maður heldur en ég var í haust.  Miklu yngri (að mér finnst) heldur en það sem ég var í haust, 10 kíló fokinn af manni  og öll mál miklu betri en þau voru áður.  Liggur við að mér bregði þegar ég sé sjálfan mig í spegli, ég bara þekki ekki manninn í speglinum.  Þrekið er orðið þvílíkt og farinn að gera hluti sem ég bjóst engan vegin við að ég gæti nokkurn tímann gert.  

Þessum árangri þakka ég ekki fyrst og fremst þeim frábæru þjálfurum sem hafa rekið mann áfram í allan vetur, hvatt mann áfram og sett á mann áskoranir sem ekki hefur verið hægt að komast undan.  Það er ekki bara þjálfunin og sú æfingaaðferð sem þarna er beitt heldur er viðhorf þeirra til manns þannig að ég hef aldrei kynnst þannig áður af þjálfurum í líkamsræktarstöð að vera.  Þau Gaui, Garðar, Gyða og Eygló eru alveg einstök þegar kemur að því að ráðleggja og reka mann áfram í því að ná markmiðum sínum í þjálfuninni.

Hlakka mikið til svo þegar útivöllurinn verður kominn í gagnið á næstu dögum.  Ætla  örugglega að mæta

 

 

Farið á fund veraldar :)

Krummi krúnkar úti

kallar á nafna sinn

ég fann höfuðið af hrúti

hrygg og gæru skinn