Brotlenda og nauðlenda

Þessi frétt er alveg einstaklega furðulega orðuð.  Fisið brotlenti og þyrlan náði hins vegar að nauðlenda.  Var hætta á því að þyrlan myndi brotlenda líka?  Eða nauðlentu þeir þyrlunni vegna þess að fisið brotlenti.  Ég hef alltaf haldið að þegar um nauðlendingu sé að ræða þá sé veruleg hætta fyrir hendi og fólk í hættu.  Álíka mikil og í brotlendingu.

 Ég tel að nauðlending sé brotlending sem búið er að "undirbúa" að því marki að lágmarka tjón

 Þessi frétt er hálfkveðin eins og allt og algengt er að verða að sé sent inn á mbl.is.  Er ekki betra að fá aðeins betri upplýsingar áður en þessu er hent inn á netið.  Það hefði verið betra að segja að flugslys hafi orði á Grænlandi.  Vélin var að koma frá Íslandi og frekari upplýsingar sé að vænta fljótlega.   

Fisvél á leið frá Íslandi brotlenti á Grænlandi

Athugasemdir

[Birkir (IP-tala skráð) 18.7.2007 kl. 13:44]

Já þetta er eins og með TF-SIF sem ýmist hrapaði, brotlenti eða nauðlenti. Að mínu viti þá hvorki hrapaði TF-SIF né brotlenti heldur nauðlenti flugstjóri vélarinnar henni á sjónum eftir að vandamál kom upp og hann hafði m.a.s. tíma til að skjóta út uppblásanlegum flotbelgjum.

[Ester Sveinbjarnardóttir, 20.7.2007 kl. 16:04]

Það er orðið alvarlegt mál þegar við tökum eftir að íslenskumáli er ábótavant í fjölmiðlum.  Ég upplifið það sem merki um það að ég er orðin miðaldra!